Rapek-rapeklah anok janteang anok batino dalon dusun ineih dengea pasak-pasak.
Adepun kamai ineih melakaukan buot dingon karang setio, di ateh baserau ngan baimbea anok janteang anok batino, kepado umoh kapado tango, kapado laheik kapado jajo, manganengohkan tando kbea sikou breh sratauh, ndok jadi Depatai dan Permentai.
Lah Bapapah babimboing kapado Depati nan Batujeuh, Pamangkau nan Baduea sarto Permentai nan Spulauh.
Lah Bapapah babimboing kapado Depati nan Batujeuh, Pamangkau nan Baduea sarto Permentai nan Spulauh.
Sudeah niang dipabuot, jadinyo Depati Nan Batujeuh, batinonyo Pamangkau Nan Baduea ,lahirnyo kamai Ngabi Teh Santio Baweo batinnyo Depati Nan Batujeuh, sudeah diparbuot di ateh umoh patelai, sandinyo padek tanoh krajaan, lubeuk mmeh pendannyo mmeh, Sungei Bremeh Tanjoun Bajure, di ateh tanoh ngan sabingkeh, di bawah pawon ngan sakakai, bahimpoung piagea ngan tujeuh pucauk pado keri Pendok Anggo Lumpaing.
Masauk pado karang stio ngan samangkauk. Sapo ngising kno miang, apo nguyang kno rbeah, sapo mancak mulih utang, sapo nindeih mulih garoih.
Masauk pado karang stio ngan samangkauk. Sapo ngising kno miang, apo nguyang kno rbeah, sapo mancak mulih utang, sapo nindeih mulih garoih.
Ideak bulieh nuhok kawang saireing, ideak bulieh nguntein kae dalon lipatan.Ideak bulieh bakuroak bakandon daleang,ideak bulieh pepak di luo unceing di dalon.
Kalou diparbuot, padoi ditanang lalang tumbouh,kunyaet ditanang puteih isi, anak dipangkau jadi bateu. Ngadeak ka ilei dikutuk Tuhang, ngadeak ka mudeik dikutuk Tuhang,dikutuk qur’an 30 jeuh dimakon biso kawai.
Kalou diparbuot, padoi ditanang lalang tumbouh,kunyaet ditanang puteih isi, anak dipangkau jadi bateu. Ngadeak ka ilei dikutuk Tuhang, ngadeak ka mudeik dikutuk Tuhang,dikutuk qur’an 30 jeuh dimakon biso kawai.
Ka dateh ideak bapucauk ,ka bawoh ideak baurak , di tengoah di jarum kumbang. Dibageh ingak pado sagalo anok janteang anok batinoa, jiko awak ideak dilabeuhkan glea, dijadikan rekak dengon rekik,dijadikan rujuk dingon undou. Manggulung si lengan bajeu, nyingkak kaki sirwang, nambak bateu di balei, manikang kapalo karto, ngato awak di luo adeak di luo pusko, ngandang saumo ideuk. ”itoh salah!”
Didendo dingan breh saratauh kbou sikau.
Kalou traso awak dilabeuhkan glo, dijadikan gleak dingan ilei,dijadikan tpauk dingan tarai, traso gedeang ndok malando,traso panjang ndok malilaik.
Mangupak mangupur balea, bagaligo buleak sakendok atai. Basutang di matao brajea di atai, babeneak ka mpou kakai. ”itoh salah!” Lahe mulih utang batin dimakon karang stio nan samangkauk.
Kinai lah diangauh breh sratauh kbea sikau, suko jadoi suko manjadoi, glo jateuh pusko tibeo.
Ini merupakan Pepatah petitih penobatan Gelar adat dalam wilayah persekutuan adat Depati nan Berujuh Tanah Mendapo.
Kinai lah diangauh breh sratauh kbea sikau, suko jadoi suko manjadoi, glo jateuh pusko tibeo.
Ini merupakan Pepatah petitih penobatan Gelar adat dalam wilayah persekutuan adat Depati nan Berujuh Tanah Mendapo.
:.