Inilah beberapa pantun dari daerah Kabupaten Kerinci Provinsi Jambi. Tradisi berpantun ini telah ada sejak dahulu dan turun temurun hingga saat ini.
Nak ili ku Sungai Penuh
Jalan trus ku dusun Kumun
Apo ubat ati ngan usuh
Kito hibur ngan bubaleh pantun
Bukit kasur teramat tinggi
Raih uto pegi ke dusun
Bangkit tidur selamat pagi
Maih kito mulai bapantun
Kalu ili ku Sungai Penuh
Cubo beli si gulung tali
Untuk apo buhati usuh
Pantun di baleh pungubat hati
Iluk nian bentuknyo daun
Nyo mulimbai kdalam umo
Latilambat ngajak bapantun
Kami lamulai dari jam limo
Jalan lurus k dusun Kumun
Kito suo umah dinas bupati
Iluk ugo bubaleh pantun
Mano tau suo ka tuju ati
Iluk bungi murai bukicao
Nyo bukicao petang ngan pagi
iluk bungi iko mungurai kato
Iko nak mana kmi mabuk hati
Mano lah dusun Koto Majidin
Jalan masuk ado duo
Lah ku cubo ngalih ku lain
Namun punano ku kayo jugo
Pegi usik ka Koto Majidin
Truh bujalan ku Sungai Liuk
Idak kami ngalih ku lain
Tapi adik nalak uhang ngan iluk
Kalu iyo pandai menanam kawo
Cubo di tanam si kawo cari
Lah pandai nian adik bukato
Lain di mulut lain pulo di hati
Uhang Batu Sangkar mencari belut
Uhang Lubuk Suli munanam padi
Ini idak sekedar di mulut
Tapi ini yo nian dari hati
Koto majidin busimpang tigo
Jalan nyo masuk dusun Bului
Sampai hati sibadan iko
Minin munalak ganti nyo kami
Pegi ku rimbo mumikat balam
balam nyo kno si tigo gayo
hati ku mabuk siang ngan malam
mabuk di adik saparoh nyawo
Kalu kayo ke Sungai Liuk
Jangan lupo ngambik bungo Cino
Bukanyo kami nalak ngan iluk
Kami di pakso uhang tuo
Iluk lah pegi ku Kayu Aro
Singgah buranti ku Kersik Tuo
Jangan lah adik muraso ibo
Wo lah ado mbuh ndak di bao
Uhang Semerah nanam bungo lilin
Uhang Kersik Tuo munanam bawang
Manen idak ngalih ku lain
Karno kami lah kayo buang
Kalu kayo pegi ka Kebun Baru
Jangan lupo meli jeruk
Kalu kayo bukato snu itu
Kayo nak mena hati ku mabuk
Lah mudik si uhang Kubang
Ngambik mayan di Sulak Derih
Bukan adik ngan kami buang
Adik tu nian ngan nak buralih
Pegi ku Kayu Aro mumbeli jeruk
Jeruk lh ado balai Bedeng Lapan
Kami lah idak mena adik mbuk
Dalam hati kami ngan bukato nian
Bukannyo kami dak suko sirih
Kami nalak sirih bubungo
Bukannyo kami uhang pumilih
Tapi Kami nalak uhang burado
Pegi usik ke Sulak Dereh
Truh jalan ka Danau Tinggi
Manen idak kami buralih
Karno nyo kayo lah dapat ganti kami
Nak mudik ka Danau Tinggi
Jalan truh ku Koto Tuo
Badan adik idak tigenti
Mungkin purajo ngan idak ado
Balai lah Sulak ahi lah senin
Naik uto Kurinci duo
Klu idak purajo minin
Same di anak purajo ado
Kalu iyo nyan sabena padi
Dedak ampo di dalam bilik
kalu iyo nyaan sabena jadi
Barapo lamo be mbuuh wo nantik
Balai sinayan membeli kain
Kain iluk bungo barendo
Idak nian ado purajo minin
Mano tau isuk samo2 murando
Uhang Sulak mungaleh jangki
Jangki burisi si padi payo
Ili mudik munalak ganti
Idak sirupo ngan badan iko
Apolah dinding umah di ladang
Nyo budinding daun kulit manih
Ngah bapiki siang ngan mlam
Duduk bamenung same munangih
Kuladang munanam sikulit manih
Nyo tumbuh duo tigo
Dimano duduk situ munangih
Kalu nginamkah jando lah iluk pulo
Dibuladang ditanah ujo
Pisang srai burangkai tigo
Minin dak usah banyak carito
Tlak lah jatuh bucerai kito
Buah manis di ujung dahan
Tibo di dahan buah nyo genting
Ayi mato jatuh idak titahan
Ngimak iko duduk busanding
Idak kayu tegak sabatang
Kayu gdang di tepi batih
Kalu rindu di pndam suhang
Badan idak pulekat kasih
Dari mano datang cahayo
Cahayo datang dari tmpat tinggi
Dari mano datang cinto
Cinta datang dari hati
Katutu balago empat
Nyo balago di bawah baru
Idak ka tuju ulak ka cepat
Ulak kabalik ka hati aku
Iluk nian batang baru
Situ tempat uhang mandi
Kalau idak dg hati aku
Bialah idak sampai mati
Buredik butampi lumat
Burayak burandang kawo
Bentuk bupati sayang dengan pak camat
Ituh niyan sayang di Iko
:.